2008年3月7日

小孩的觸覺!

話說婆婆一個月前帶Hagio去大角咀街市,有個八達通優惠站,Hagio見到婆婆拍卡;

一個月後,同樣重臨呢個街市,經過八達通優惠站,婆婆也不為意,但Hagio突然嚷叫婆婆:

"Do 呀 Do 呀!"

原來,Hagio記得一個月前在哪個地方拍八達通卡的片段!

今朝,我同剛起身的Hagio如常到窗前睇風景,她也突然叫到:

"海鷗呀! 海鷗喎!"

原來,有一丁點大的海鷗在八仙嶺旁的海邊低飛,做了Laser的我花良久才見到!

.... 莫小看未夠兩歲的小孩的記憶眼界

感想是,正在講PhD既我,真的好想再有過目不忘的記憶及一目十行的眼界,現在,也不得不承認自已不如前啦,要加勤努力補拙!

2008年3月6日

MK 最~潮詞: "Devo"

Go Go Devo!!

星期二Kelvin派左本教Devo的書,整個MK <2 age界都齊齊”動”起來!

感激的不只是有Kelvin同Jonathan負”重”帶書派俾各父親母親,

更令我感動的是一眾爸媽同一Standard,為大家下一代Unified,一齊家家Devo!

打開報紙見到的現代家庭,又有幾多個可以做到真正關懷同教導?

宜家,每次提Devo, Hagio會乖乖坐低,唱”神造我造你,造天空大地...”(with 有趣的音歪)

我好記得佢對"Devo"一字的發音,那種輕鬆帶稚氣的語調,及佢眼定定等聽Bible的眼神,

令我感到萬分安慰!

原來,父母見到自已子女對真、善、美的渴求,
心底裡是多麼溫暖的!

2008年3月4日

Devo 內容

非常感謝Jessy送俾Elsa的生日禮物,我地屋企有本Preschoolers的Devo書仔。每天,我地同Hagio講一個聖經的本質,跟住要佢試下自已講,背下簡單詞語,同祈禱。

宜家,Hagio學會:

我"愛你 I Love You"!
愛人"如已"
神住"係天上"
不如意時我地要"冷靜"!
神係無處"不在"
神會"安慰我們 / Hagio"
我地要常常"喜樂"!

"...”裡的詞語佢自已識講架啦!

Hagio講故事

每晚臨睡前,我地都會講故事。有趣的是,昨天Hagio自已"作"左一個故仔:

"有一日呢,長頸鹿A、長頸鹿B、長頸鹿C,一齊玩玩,跟住見到馬wor,然後長頸鹿一啖食左馬落肚。"

.......

雖然個故仔的四個角色發揮唔大,結局亦峰回路轉,但勝在"原創性"好高,我從未聽過。